Adolygiad Map Rhwydwaith Teithio Llesol
1 Medi - 24 Tachwedd
Yn gynharach eleni, gofynnwyd am eich barn ar sut y gellir gwella'r ddarpariaeth beicio a cherdded yng Nghasnewydd. Rydym wedi ystyried yr holl sylwadau'n ofalus ac wedi cyfuno'r farn gyhoeddus hon ynghyd â gwybodaeth berthnasol arall i gynhyrchu MRhTLl drafft.
Cawsoch gyfle i ddweud eich dweud ar ein map drafft cychwynnol yn ôl ym mis Mai. Bellach, rydym wedi ystyried adborth pellach ac wedi cynhyrchu map drafft terfynol.
Mae'r map drafft terfynol ar gael i'w weld ar ein safle Commonplace. Gallwch ddweud eich dweud ar lwybrau arfaethedig a llenwi holiaduron byr ar deithio llesol ym mhob ward ar draws y ddinas.
Dweud eich dweud
Dweud eich dweud ar bolisi hapchwarae drafft Cyngor Dinas Casnewydd 2022-2025
16 Awst - 31 Hydref 2021
Mae'n ofynnol i'r Cyngor, fel yr awdurdod trwyddedu, gyhoeddi Datganiad Polisi Hapchwarae newydd ar gyfer y fwrdeistref o leiaf bob 3 blynedd dan Ddeddf Gamblo 2005. Mae'r polisi drafft yn nodi'r egwyddorion y bydd Cyngor Dinas Casnewydd fel Awdurdod Trwyddedu yn cyflawni ei swyddogaethau o dan y Ddeddf.
Darganfod mwy
Arolwg landlordiaid preifat
16 Awst - 25 Medi
Mae Cyngor Casnewydd am wella ei wybodaeth a’i ddealltwriaeth o’r farchnad rhentu tai yng Nghasnewydd. Os ydych chi’n landlord preifat sy’n gosod eiddo yng Nghasnewydd, cwblhewch yr holiadur i ddweud eich dweud.
Cymryd rhan yn yr arolwg landlordiaid preifat
Arolwg strategaeth ddigidol
30 Gorffennaf- 30 Medi
Ym mha ffordd hoffech weld i Gyngor Dinas Casnewydd ddarparu gwasanaethau digidol?
Sut gallwn ni wella cynhwysiant digidol ledled Casnewydd?
Hoffem gael eich barn ar y mater!
Rydym yn cynnal arolwg byr i ofyn i breswylwyr sut maen nhw'n ymgysylltu'n ddigidol â'r cyngor. Hoffem hefyd wybod pa dair prif flaenoriaeth y dylem eu mabwysiadu yn eich barn chi ar gyfer ein strategaeth ddigidol nesaf.
Mae ein strategaeth ddigidol yn nodi sut rydym yn defnyddio dulliau digidol i ddarparu eich gwasanaethau, o dalu'r dreth gyngor ar-lein i archebu ymweliadau â'n canolfan ailgylchu gwastraff y cartref.
Cymryd rhan yn yr arolwg strategaeth ddigidol
Ymgynghoriadau diweddar
Ymgynghoriad Gorchymyn Diogelu Mannau Cyhoeddus (GDMC) Canol y Ddinas
1- 28 Awst
Mae'r cyngor yn ymgynghori ar y cyfyngiadau GDMC presennol ac yn y dyfodol ar gyfer canol y ddinas.
Mae Gorchmynion Diogelu Mannau Cyhoeddus (GDMC) yn cael eu gweithredu gan Awdurdodau Lleol i ymdrin ag Ymddygiad Gwrthgymdeithasol. Cânt eu gorfodi gan Swyddogion Awdurdodau Lleol fel Wardeiniaid Diogelwch Cymunedol a'r Heddlu.
Gall swyddogion roi Hysbysiadau Cosb Benodedig i bobl y canfuwyd eu bod yn torri'r cyfyngiadau a nodir yn y GDMC.
Mae'r ymgynghoriad yn gofyn am sylwadau ar Ymddygiad Gwrthgymdeithasol gan drigolion, elusennau, busnesau ac unrhyw un sy'n byw, yn gweithio neu'n ymweld â chanol y ddinas.
Ymgynghoriad GDMC Canol y Ddinas
Arolwg Sgiliau Cywir
1 - 31 Awst 2021
Fel rhan o'n gwaith yn cefnogi lles yng Nghasnewydd, hoffem ddeall lefel y diddordeb mewn ymgymryd ag addysg neu hyfforddiant newydd yn y ddinas a pha fath o gyrsiau a hyfforddiant y mae gan bobl ddiddordeb ynddynt. Bydd canlyniadau'r arolwg yn cael eu hystyried gan bartneriaeth Casnewydd yn Un i lywio penderfyniadau ar ddarpariaeth yn y dyfodol.
Bydd unrhyw wybodaeth a roddwch yn ddienw a dim ond aelodau'r Bwrdd Sgiliau Cywir fydd yn ei defnyddio ac ni chaiff ei rhannu â gwasanaethau na sefydliadau eraill.
Os ydych chi’n byw yng Nghasnewydd, cwblhewch ein harolwg.
Cynllun Datblygu Lleol (CDLl) Newydd Galw i Gyflwyno Safleoedd Ymgeisiol
30 Mehefin – 27 Awst 2021
Fel rhan o'r gwaith sy'n mynd rhagddo i baratoi'r Cynllun Datblygu Lleol newydd, rydym nawr yn agor yr Alwad am Safleoedd Ymgeisiol. Ystyrir cynnwys cynigion Safleoedd Ymgeisiol a dderbynnir yn ystod y cyfnod ymgynghori yn y Cynllun Datblygu Gwledig. Yna rhoddir cyhoeddusrwydd i Gofrestr Safleoedd Ymgeisiol yn ystod y cam Strategaeth a Ffefrir y disgwylir y bydd yn haf 2022. Gallwch wneud cyflwyniad a chael rhagor o wybodaeth yma.
Cynllun Datblygu Lleol Newydd - Adroddiad Cwmpasu Arfarniad Cynaliadwyedd Integredig
30 Mehefin 2021 – 27 Awst 2021
Mae angen Arfarniad Cynaliadwyedd Integredig (ISA) fel rhan o waith datblygu'r Cynllun Datblygu Lleol newydd. Nod y Cynllun yw llywio a dylanwadu ar broses lunio cynlluniau gyda'r nod o osgoi a lliniaru effeithiau negyddol a sicrhau'r canlyniadau cadarnhaol gorau posibl.
Arolwg Rhentwyr Preifat i denantiaid yn wardiau Llyswyry, Pilgwenlli, Stow Hill a Victoria
31 Mai - 11 Gorffennaf 2021
Mae'r cyngor yn gweithio gyda Generation Rent i ddarganfod sut brofiad yw rhentu cartref gan landlord preifat yng Nghasnewydd. Cymerwch ran yn yr arolwg os ydych yn denant preifat ac yn byw yn wardiau Llyswyry, Pilgwenlli, Victoria neu Stow Hill.
#CasnewyddDdiogelach
Daeth i ben 29 Mehefin 2021
Mae #CasnewyddDdiogelach am ddeall beth sy'n gwneud i fenywod a merched deimlo'n anniogel yng Ngwent a'r hyn y gall partneriaid ei wneud i gynyddu teimladau o ddiogelwch. Rydym yn awyddus i glywed gan unrhyw un sy’n ystyried ei hun yn fenyw.
Gorchymyn Diogelu Mannau Cyhoeddus (GDMC) Pillgwenlli
Daeth i ben 31 Mawrth 2021
Mae'r cyngor yn ymgynghori ar gyfyngiadau arfaethedig y GDMC ar gyfer Pilgwenlli.
Mae Gorchmynion Diogelu Mannau Cyhoeddus yn cael eu gweithredu gan Awdurdodau Lleol i ymdrin ag Ymddygiad Gwrthgymdeithasol. Cânt eu gorfodi gan Swyddogion Awdurdodau Lleol fel Wardeiniaid Diogelwch Cymunedol a'r Heddlu. Gall swyddogion roi Hysbysiadau Cosb Benodedig i bobl y canfuwyd eu bod yn torri'r cyfyngiadau a nodir yn y GDMC.
Rhowch eich barn drwy gymryd rhan yn yr arolwg.
Canllawiau Cynllunio Atodol (CCA) Drafft Ymgynghoriad
Daeth i ben 1 Ebrill 2021
Mae'r Cyngor yn ymgynghori ar ddogfennau drafft sydd wedi'u paratoi i gefnogi'r polisïau yn y Cynllun Datblygu Lleol a Fabwysiadwyd. Darllenwch fanylion llawn y cynigion ymgynghori.
Cynigion cyllidebol
Daeth i ben 12 Chwefror 2021
Mae Cabinet y cyngor wedi ystyried y gyllideb ddrafft ar gyfer 2020/21 a sut y gellid darparu gwasanaethau o fewn yr adnoddau cyfyngedig sydd ar gael. Bydd yr ymgynghoriad cyhoeddus yn rhedeg tan 12 Chwefror 2020. Darllenwch fanylion llawn y cynigion ymgynghori.
Trefniadau Derbyn i Ysgolion 2022
Daeth i ben 12 Chwefror 2021
Yn unol â Chod Derbyn i Ysgolion statudol Llywodraeth Cymru, mae'n ofynnol i'r cyngor gynnal ymgynghoriad blynyddol ar drefniadau derbyn yn y flwyddyn ysgol sy'n dechrau ddwy flynedd cyn y flwyddyn ysgol y byddai'r trefniadau yn berthnasol iddi.
Darllenwch y ddogfen ymgynghori yma (pdf)
Canolfan hamdden newydd a champws Coleg Gwent
17 Rhagfyr – 29 Ionawr 2021
Mae Cyngor Casnewydd yn cynnig creu canolfan hamdden a lles newydd yn ogystal â champws newydd yng nghanol y ddinas ar gyfer Coleg Gwent. Dysgwch fwy a dweud eich dweud yma.
Ehangu Ygol Bassaleg
Daeth i ben 12 Tachwedd 2020
Mae Cyngor Dinas Casnewydd yn ymgynghori ar y cynnig i:
Cynyddu capasiti Ysgol Basaleg o 1,747 i 2,050 yn weithredol o fis Medi 2023.
Gorchymyn Rheoli Traffig, 5 Hydref - 30 Hydref 2020
Gorchymyn Mannau Parcio ar y Stryd ar gyfer Pobl Anabl a Dirymu 2020
Ymgynghoriad ffurfiol i gyfuno Ysgolion Meithrin Kimberley a Fairoak
Daeth i ben 11 Medi 2020
Mae Cyngor Dinas Casnewydd yn ymgynghori ar y cynnig i:
Gyfuno Ysgol Feithrin Kimberley ac Ysgol Feithrin Fairoak yn un ysgol ar safle presennol Ysgol Feithrin Fairoak a hynny o fis Medi 2021.
Welliannau i Barc Black Ash a Monkey Islandd
Daeth i ben 8 Ebrill 2020
Mae Cyngor Dinas Casnewydd yn bwriadu gwneud gwelliannau i Monkey Island a Pharc Black Ash. Dweud eich dweud.
Diolch am rannu eich barn
Dylai’n holl ymgynghoriadau fod ar gael yn Ddwyieithog, os nad ydynt dylech gysylltu â equalities@newport.gov.uk
Croesewir cyfraniadau ac ymatebion yn Gymraeg ac os ydych am fynychu digwyddiad cyhoeddus ac am ddefnyddio’r Gymraeg yna rhowch wybod i ni ymlaen llaw fel y gallwn drefnu cyfieithu ar y pryd equalities@newport.gov.uk
TRA115348 07/02/2020